|
|
24 ساآت ليق اينترنت موسيقي رادييوسو
رادييونو ائشيتمك اوچون Real Player پروگرامي احتياج دير.
موسيقي مجليسي
موسيقي مجليسينين
طرفه علامتلري وار
گوش قيل، گور نئجه
جانسوز حكايتلري وار
موسيقي ذوقينه اول كس
كي دئييلدير واقف
بو بساطين نه بيلير،
كيم نه شرافتلري وار
تاري بيهوده حساب
ائتمه اگر عارف سن
گور كي مه رولر
اليندن نه شكايتلري وار
اودا بير زلفي سيه
دلبرين آلوده سي دير
كي صداسيندا
پريشانليق اشارتلري وار
خوار، ظن ائتمه،
ساقين، موسيقي خادملريني
اونلارين ذوقينه گير،
گور نه نزاكتلري وار!
موسيقي غم داغيدير،
ذوق وئرير انسانه
درك قيلماز بوني
اونلار كي سفاهتلري وار
شاعرين، موسيقي
خادملرينين، رسامين
اينجه دقتله دوشون،
گور نه مهارتلري وار
موسيقي ذوقي هلاكولره
تاثير ائتميش
اوخو تاريخي، دوشون،
گور نه روايتلري وار
بعضي نادان نه بيلير
موسيقي ذوقين، "واحد"
چون كي جاهل دير،
اولدوقجا جهالتلري وار
علي آقا واحد